Аннотация: В статье приведены методы организации АСКУЭ в системе электроснабжения.
Ключевые слова: система АСКУЭ, учет электроэнергии, эффективность, энергосбережение, организация АСКУЭ.
Техника фанлари
УДК 621.313
Мамаджанов Абдушохид Бахромжанович
Наманган муҳандислик педагогика институти, Электроэнергетика кафедраси ассистенти
Эргашев Дониёр Йулдошвой ўғли
Наманган муҳандислик педагогика институти талабаси
Маҳкамов Ҳуршид Қаҳрамонович
Наманган муҳандислик педагогика институти талабаси
Мамаджанов А.Б
ассистент кафедры “Электроэнергетика”, Наманганский инженерно-педагогический институт
Эргашев Д.Й
студент Наманганский инженерно-педагогический институт
Маҳкамов Ҳ.Қ
студент Наманганский инженерно-педагогический институт
Mamadzhanov A.B
assistant of the department "Electric Power Engeneering", Namangan Engineering Pedagogical Institute
Ergashev D.Yu
student Namangan Engineering Pedagogical Institute
Mahkamov H.Q
student Namangan Engineering Pedagogical Institute
ЭЛЕКТР ТАЪМИНОТИ ТИЗИМИДА ЭНЕРГИЯ НАЗОРАТИ ВА ҲИСОБЛАШНИНГ АВТОМАТЛАШТИРИЛГАН ТИЗИМЛАРИ(ЭНҲАТ)НИ ТАШКИЛ ЭТИШ УСУЛЛАРИ
МЕТОДЫ ОРГАНИЗАЦИИ АВТОМАТИЗИРОВАННОЙ СИСТЕМЫ КОНТРОЛЯ И УЧЕТА ЭЛЕКТРОЭНЕРГИИ (АСКУЭ) В СИСТЕМЕ ЭЛЕКТРОСНАБЖЕНИЯ
METHODS OF AUTOMATED CONTROL SYSTEM AND METERING (AMR) IN THE POWER SUPPLY SYSTEM
Аннотация: Мақолада электр таъминот тизимида АСКУЭ ни ташкил этиш усуллари келтирилган.
Калит сўзлар: АСКУЭ тизими, электр энергияни ҳисоблаш, самарадорлик, энергия тежамкорлик, АСКУЭ ни ташкил этиш.
Аннотация: В статье приведены методы организации АСКУЭ в системе электроснабжения.
Ключевые слова: система АСКУЭ, учет электроэнергии, эффективность, энергосбережение, организация АСКУЭ.
Summary: The article presents the methods of organization of electricity metering in the system.
Key words: system of automated control and accounting of electric power (SASAEP), electricity accounting, efficiency, energy saving.
Ўзбекистон Республикаси Президенти И.А.Каримовнинг "Иктисодиётнинг реал сектори корхоналарини кўллаб-кувватлаш, уларнинг баркарор ишлашини таъминлаш ва экспорт потенциалини кўпайтириш чора-тадбирлари дастури тўғрисида" 2008 йил 28 ноябрдаги ПФ-4058-сон Фармонини бажариш юзасидан, шунингдек хўжалик юритувчи субъектлар, шахарлар ва кишлоклар истеъмолчилари томонидан электр энергияси истеъмолини хисобга олиш ва назорат килиш тизимини такомиллаштириш максадида Вазирлар Махкамаси карор кабул килган. Унда:
- электр энергияси истеъмолини хисобга олиш ва назорат килишнинг автоматлаштирилган тизимини бўйича бошланғич лойихалар амалга оширилиши;
- электр энергияси истеъмолини хисобга олиш ва назорат килишнинг автоматлаштирилган тизимини жорий этиш инвестиция лойихаси ишлаб чикилганлиги кўрсатиб ўтилган.
- электр энергияси истеъмолини хисобга олиш ва назорат килишнинг автоматлаштирилган тизимини жорий этиш доирасида хўжалик юритувчи субъектларга электр энергиясини хисобга олишнинг замонавий электрон асбобларини ўрнатиш белгиланган;
- электр энергияси истеъмолини хисобга олиш ва назорат килишнинг автоматлаштирилган тизимини жорий этиш доирасида маиший истеъмолчиларга электр энергиясини хисобга олишнинг замонавий электрон асбобларини ўрнатиш белгиланган ва бунган мос режа тасдикланган. Белгилаб кўйилган:
- маиший истеъмолчиларга электр энергияси истеъмолини хисобга олиш ва назорат килишнинг автоматлаштирилган тизимига уланадиган электр энергиясини хисобга олишнинг мавжуд асбобларини алмаштириш ва замонавий электрон асбобларини ўрнатиш "Ўзбекэнерго" ДАК корхоналарининг ўз маблағлари хисобига амалга оширилади;
- хўжалик юритувчи субъектларга электр энергиясини хисобга олишнинг мавжуд асбобларини алмаштириш ва замонавий электрон асбобларини ва аппарат комплексларини ўрнатиш уларнинг ўз маблаглари хисобига амалга оширилади;
- Электр энергияси истеъмолини хисобга олиш ва назорат килишнинг автоматлаштирилган тизимига уланган истеъмолчиларга электр энергияси етказиб бериш олдиндан тўланган хак доирасида электр таъминоти бўйича икки томонлама шартнома асосида амалга оширилади.
Ушбу қарор юзасидан, биринчи навбатда, замонавий ресурс ва энергияни тежайдиган технологияларни жорий қилиш ҳисобидан иқтисод қилиш тартибини қатъийлаштириш кўзда тутилмоқда. «Ўзбекэнерго» давлат аксиядорлик компаниясидан маълум қилишларича, мазкур тармоқда энергия тежайдиган технологияларга катта эътибор қаратилмоқда. Ҳозир электр энергиясини истеъмол қилишни автоматлаштирилган ҳисобга олиш ва назорат қилиш тизими босқичма-босқич жорий қилинмоқда [1-3].
Мамлакатимизнинг йирик ишлаб чиқариш ва илмий-техника салоҳиятига эга энергетика тармоғи иқтисодиётни ривожлантиришга салмоқли ҳисса қўшмоқда. Энергетика тармоғининг асосий стратегик вазифаси мамлакатимиз иқтисодиёти ва аҳолисини самарали, ишончли, сифатли энергия билан таъминлашдир. Шу боис иқтисодиётни зарур энергия қуввати билан таъминлаш биринчи даражали масала бўлиб, бу ёқилғи-энергетика ресурсларидан фойдаланиш самарадорлигини ошириш, замонавий электр техника ускуналари, янги технологиялар, ахборот-ўлчов техникасини жорий қилиш орқали энергияни тежаш чора-тадбирларини амалга оширишни тақозо этади. Янги технологияларни ишлаб чиқаришга жорий қилиш ва мавжуд энергия ресурсларидан оқилона фойдаланишни назарда тутадиган энергияни тежаш сиёсатини изчил амалга ошириш ишлаб чиқарилаётган маҳсулот таннархини камайтириш, иқтисодиёт тармоқларида техник-иқтисодий кўрсаткичларни яхшилаш имконини беради [2].
Ушбу муҳим вазифаларни бажариш мақсадида «Ўзбекэнерго» давлат акциядорлик компанияси ва Чехиянинг «Ineson Power-Sitronics» компаниялари консорсиуми ўртасида Ўзбекистонда электр энергиясини истеъмол қилишни автоматлаштирилган ҳисобга олиш ва назорат қилиш тизимини амалга ошириш бўйича стратегик шериклик тўғрисида меморандум имзоланди. Корхоналар, хўжалик субъектлари ва маиший истеъмолчиларга ушбу тизимни жорий қилиш технологик йўқотишларни камайтириш, барча электр ресурсларини етказиб бериш тизими бўйича аниқ ҳисоб-китоб олиб боришни таъминлайди. Тизимнинг қулай ишлаш тартиби ёқилғи-энергетика ресурсларидан фойдаланишни яхшилаш имконини беради. Лойиҳани бир йил давомида амалга ошириш мўлжалланган бўлиб, унинг қиймати 34,8 миллион АҚШ долларини ташкил қилади. Мазкур лойиҳа йилига 2,75 миллиард киловатт-соат электр энергиясини тежаш ҳамда ҳар йили 1,9 миллион тонна CO- буғхона газларини қисқартириш имконини беради. Тежалган энергия қиймати йилига 125 миллион АҚШ долларини ташкил этади.
«Ўзбекэнерго» ДАК фаолиятини такомиллаштириш ва истеъмол қилинаётган электр энергияси ҳисоби интизомини мустаҳкамлаш қўшимча чора-тадбирлари» тўғрисидаги қарорга кўра, 2012-2017 йилларда, халқаро молия муассасаларининг молиявий кўмагида, Тошкент шаҳрида, Бухоро, Жиззах, Самарқанд, Сирдарё, Наманган ва Тошкент вилоятларидаги жисмоний ва юридик шахсларда замонавий электр ҳисоблаш қурилмаларини Электр энергияни назорат қилиш ва ҳисоблаш автоматлаштирилган тизими (АСКУЭ) татбиқ этилмоқда. Қуйида электр таъминот тизимида АСКУЭни ташкил этиш усуллари келтириб ўтилган.
ЭНҲАТни бевосита симли алоқа схемаси
ЭНҲАТни бевосита симли алоқа схемаси энг содда ва энг кўп тарқалган схема тури ҳисобланади. Қурилмаларга кам сарф-харажат бўлган ҳолда, корхона энергетиги реал вақт оралиғида барча цехлар ва бўлимлардаги электр энергия истеъмолини кузатиш имкониятига эга бўлади.
1-расм. ЭНҲАТни бевосита симли алоқа схемаси
Бундай схемалар асосан ўрта ва кичик қувватли корхоналар электр энергиясини техник ҳисобга олишни автоматлаштириш учун қўлланилди. Ҳисоблагичларни компютерга улаш RS232/485 адаптер орқали стандарт ташқи таъсирлардан ҳимояланган UPT5cат тармоқ кабели ёрдамида амалга оширилади. Бунда 32 тагача ҳисоблагичларни битта гуруҳда бирлаштириш мумкин, линиянинг узунлиги 1200 м гача малумотларни узатиш тезлиги 115200Кб/с гача бўлиши мумкин[2].
ЭНҲАТни модем алоқали схемаси
ЭНҲАТни модем алоқали схемасини қуришда ҳар доим самарали ишлайдиган АИЖ ҳамда, электр энергия ҳисоблагичи атрофида сифатли рақамли телефон линиясини бўлиши назарда тутилади.
2-расм. ЭНҲАТни модем алоқали схемаси
ЭНҲАТни GSM модемли схемаси
ЭНҲАТни GSM модемли схемасини қуриш жуда қулай ва бу схемалар осон ишлатилади. Бундай схема АИЖ дан ҳисоблагичлар қандай масофада жойлашувидан қатъий назар, электр энергиясини ҳисобга олишнинг автоматлаштирилган тизимини яратиш имкониятини беради. “Аltair JR” дастурий таъминоти ҳамда GSM модем ўрнатилган исталган АИЖдан ҳисоблагичлардаги маълумотларни олиш имконини беради. Шундай қилиб, малумотларни корхона энергетигининг ҳамда юқори поғоналардаги АИЖлардан маълумотларни олиш ва таҳлил қилиш имконияти яратилади.
3-расм. ЭНҲАТни GSM модемли схемаси
Маълумотларни узатиш модули базасидаги ЭНҲАТ схемаси
ТC-485 маълумотларни узатиш модули базасидаги ЭНҲАТни қуриш корхона энергетиги локал АИЖдан тўғри симли алоқали ЭНҲАТ бўйича ва вилоят энергия таъминоти корхонаси АИЖ дан GSM канали орқали ҳисоблагичларда сақланаётган ахборотлар тўгърисида малумотларни олиш зарур бўлган ҳолларда оптимал ечим ҳисобланади.
4-расм Маълумотларни узатиш модули базасидаги ЭНҲАТ схемаси
Электр энергия истеъмолчиларида мавжуд эски ҳисоблагичларни замонавий кўп функцияли электрон ҳисоблагичларга алмаштириш ва электр энергияси истеъмолини ҳисобга олиш ва назорат қилишнинг автоматлаштирилган тизими (АСКУЭ)га улаш энергия таъминоти корхоналарининг иқтисодий ҳолатини яхшилайди. Электр энергиясини аниқ ва тўғри ҳисобга олиш, энергиядан самарали ва оқилона фойдаланиш даражасини оширади, ҳамда истеъмолчилар томонидан электр энергиясидан самарасиз ва беҳуда фойдаланилишнинг олди олинади. Бу эса ўз навбатида, республикамизнинг энергетик салоҳиятини янада ошириш имкониятини яратади ва давлат бюджетига катта миқдорда фойда келтиради[4].
Адабиётлар
